Спортшы Матильда Бачурина MMA әлем чемпионатында жеңіске жетті

Қазақстан құрамасы үшін бұл турнирдегі алғашқы алтын медаль.

Матильда Бачурина 62 елден 600-ден астам спортшы қатысқан жастар арасындағы MMA әлем чемпионатында жеңіске жетті. Атаулы біріншілік Сербияда өтті.

Ақмола облысы дене шынықтыру және спорт басқармасының баспасөз қызметі хабарлағандай, Ақмола облысының спортшысы Матильда Бачурина 20 жасқа дейінгі (U-20) санатында ауыр күресте Қазақстан, Украина, Германия өкілдерін жеңіп, әлем чемпионы атанды.

Матильда Айыртаудағы қиын жағдайға тап болған балаларды қолдау орталығында тәрбиеленген. Ол мектеп жылдарында жекпе-жекпен айналыса бастап, еркін күрестен түрлі деңгейдегі жарыстарда бірнеше рет жүлделі орындарға ие болған.