Шахматшы Жансая Әбдімәлік тұрмысқа шықты

Оның таңдауы – 34 жастағы Нұрахмет Нұриев, «Қазақмыс корпорациясы» ЖШС басқарма төрағасы. Белгілі қазақстандық шахматшы, гроссмейстер Жансая Әбдімәлік үйленді.

Бұл туралы ол өзінің Instagram парақшасында мәлімдеді. Белгілі болғандай, оның таңдауы- «Қазақмыс корпорациясы» ЖШС басқарма төрағасы, 34 жастағы Нұрахмет Нұриев болды.

«Қайда барсаңыз да бақытты болыңыз! Бүгінде отандық шахматтың мақтанышы, гроссмейстер Жансая Әбдімәлік қалыңдық танды. Жас отбасына бақыт, амандық тілейміз!»,- деп құттықтады Қазақстанның шахмат федерациясы.

Естеріңізге сала кетейік, Жансая Данияровна Әбдімәлік 2000 жылы Алматы қаласында дүниеге келген. Ол бес жасында шахмат ережелерін үйренді және жеті жасынан бастап жаттықтырушы Николай Перегудовтың басшылығымен шахмат мектебінде оқыды. 2007 жылғы қаңтарда өз жасындағы қыздар арасында Қазақстан чемпионы атанды, ал 2008 жылы 10/11 нәтижесімен 8 жасқа дейінгі әлем чемпионатының жеңімпазы атанды.

Ал 2011 жылы 12 жасқа дейінгі ұлдар арасында 8/9 ұпай жинады, әйелдер арасында халықаралық шебер атағын жеңіп алды, қыздар арасында әлем чемпионы атанды.

2021 жылы Қазақстан Республикасының Президенті Қасым-Жомарт Тоқаев Жансая Әбдімәлікке "Құрмет" орденін табыс етті. Ал 2022 жылы жаңадан құрылған Алматы шахмат федерациясының құрметті президенті болды.

Тамыз айында шахматшы 2022 жылғы Дүниежүзілік шахмат олимпиадасының бірінші тақтасының қола жүлдегері атанды.