Президент әлем чемпионы Дина Жоламанның соққысын тексеріп көрді
15 ақпан 2023
Президент титулды спортшыдан фотосессия кезінде алақанын тосып, соққысы жасауын өтінген.
Степногорск қаласына жұмыс сапары аясында Қасым-Жомарт Тоқаев балалар мен жасөспірімдер спорт мектебінде болды. Мемлекет басшысы онда өңірдің атақты спортшыларымен және жаттықтырушыларымен кездесті.
Фотосессия кезінде президент боксшы қыз Дина Жоламаннан алақанын тосып, соққысы жасауын өтінген. Аталған сәт видеоға түсіп қалған. Видео Ақорданың Instagram парақшасында жарияланды.
Айта кетейік, Жоламан 2016 жылы Астанада өткен әлем чемпионатында жеңіске жетіп, 2022 жылы Ыстамбұлда өткен әлем біріншілігінің қола медалін жеңіп алды. Сондай-ақ, боксшы қыз 2021 жылғы Азия чемпионы атанған болатын.