Алматыда киберспортты дамытуға 600 млн теңге бөлінді

Алматы қаласының цифрландыру басқармасына бюджеттен 595 миллион теңгеден астам қаржы бөлінді. Ақша үш жылдық кезеңге бөлінеді, деп хабарлайды Zerkalo.

Тапсырыс беруші "Алматы қаласының цифрландыру басқармасы"КММ болып табылады. Бюджет конференциялар, семинарлар, форумдар, конкурстар, корпоративтік, спорттық, мәдени, мерекелік және осыған ұқсас іс-шараларды ұйымдастыру, өткізу жөніндегі қызметтерге бөлінді. Сонымен қатар, сипаттамада қаржы Almaty Cyber Games 2023-2025 іс-шарасын өткізу бойынша қызметтерге жұмсалатынын атап өтті.

"Бірінші жылы басқарма 227 852 312 теңге, екінші жылы – 192 737 573 теңге, үшінші жылы – 174 585 283 теңге бөледі. Жоспарлы сома-595 175 168 теңге", - делінген Мемлекеттік сатып алу порталында орналастырылған лоттың сипаттамасында.

Конкурсқа қатысуға өтінімдерді қабылдау мерзімі 23 мамырда басталып, 7 маусымда аяқталады.