Луврда қазақ өнерінің туындылары қойылады

ҚР Мәдениет және спорт министрі Францияның Қазақстандағы Елшісімен кездесті.

Асхат Оралов пен Дидье Канес мәдениет пен спорт саласындағы екіжақты ынтымақтастықты талқылады.

Атап айтқанда, Луврда қазақ өнерінің көрмесін, сондай-ақ қазақстандық әртістердің қатысуымен Парижде концерт өткізу мүмкіндігі талқыланды. Бұл туралы министрлік басшысы Facebook-те жазды.

Өз кезегінде Канесс мырза Француз киноиндустриясы Қазақстанға үлкен қызығушылық танытатынын айтты. Мысалы, Францияның киномектептері біздің студенттер Францияда оқып, тәжірибе алатын бағдарлама әзірлеуге дайын. Ал француз кинопрокатшылары біздің кинотеатрлармен тікелей ынтымақтасуға ниет білдіруде.

Сондай-ақ, талқылаудың басты тақырыптарының бірі 2024 жылғы Олимпиада ойындары болды.

"Францияда өтетін Олимпиада ойындарына келетін болсақ. Бұл елдің елшілігі қазірдің өзінде төрт жылдықтың басты спорттық іс – шарасына орайластырылған түрлі іс-шаралар ұйымдастыруда", - деді министрлік басшысы.

Мысалы, 14 наурызда Олимпиада басталардан 500 күн бұрын Алматыда балалар арасындағы "әлем айналасындағы Эстафета"халықаралық жарысының кезеңі өтеді. Сондай-ақ, Елші Алматыда дзюдошылар мен каратэшілердің демонстрациялық қойылымдарын, паралимпиадашылардың қатысуымен өтетін іс-шараны және Олимпиада ойындарының бағдарламасына енген Брейкданс бойынша турнирді ұйымдастыруға ниет білдірді.