Қазақ әндерін сүйемелдейтін Челябинск музыканттары көпшілікті тамсандырды
Ресейден келген ек жігіттің бірі домбырада ойнайды.
Ресейлік Иван Жуков пен Семен Хасеннің аспаптық репертуарында Димаш Құдайберген, Қайрат Нұртас, Ninety One және басқа да қазақстандық әншілердің әндері бар.
Жігіттер Қазақстанға өткен жылдың жазында қонаққа келсе керек. Алайда, соңынан қалуды ұйғарыпты. Бұл туралы олар massaget.kz-ке берген сұхбатында айтып берді.
"Челябинскіден тамыздың басында әпкемізге қонаққа келдік. Бірақ музыкант болғандықтан, аспаптармен (скрипка, гитара) бірге алып жүріп саяхаттаймыз, сонымен қатар, әлеуметтік желілерге арналған видеолар түсіреміз. Біраз уақыттан кейін көшеде аспаптарды ойнап, халықтың шығармашылығымызға деген реакциясын көруді ұйғардық. Осыдан кейін іс-шараларға қатысу туралы ұсыныстар түсіп, сұхбаттарға шақырды. Сондықтан осында қалуды шештік, бізде мұндай мүмкіндік пен сұраныс көп болған жоқ", - дейді олар.
Жігіттер әр түрлі аспаптарда - домбырада, гитарада және скрипкада шебер ойнайды. Иван домбырада ойнауды осында жүріп үйренген. Қоғамдық орындарда сөйлеген сөзінде олар өтіп бара жатқан адамдардың таңырқаған реакцияларын видеоға түсіріп, әлеуметтік желілерде бөліседі.
Ал қазақстандықтар әлеуметтік желілерде өздерінің жылы тілектерін жаудыруда.