Қазақстанда мектеп салуға қанша қаражат жұмсалады
Мектеп құрылысына жалпы 2,4 трлн теңге бөлінеді, деп хабарлайды «Zerkalo» ҚР Білім министрлігіне сілтеме жасап.
Өткен жылдың қыркүйегінде Мемлекет басшысы Қасым-Жомарт Тоқаев «Жайлы мектеп» ұлттық жобасын әзірлеуді және жүзеге асыруды тапсырған болатын. Әр оқушының білім алуы мен жан-жақты дамуы үшін лайықты жағдай қажет екенін атап өтті.
Ұлттық жоба апатты мектептерді, үш ауысымда оқытуды және оқушылар орнының тапшылығын тоқтатады. Балалар үшін 740 мың оқушыға арналған жаңа үлгідегі 369 заманауи мектеп салынады.
205 білім беру нысаны қалаларда, 164-і ауылдық жерлерде салынады.
217 ғимараттың құрылысын аяқтау 2024 жылға, тағы 152 ғимараттың құрылысы 2025 жылға жоспарланған.
Мектеп құрылысы жобасын жүзеге асыруға барлығы 2,4 триллион теңге жұмсалады.
Фото: Pexels