Шымкентте қоғамдық көліктерде аялдамалар қазақ тілінде хабарлана бастады
Жаңа дыбыстық хабарлау қоғамдық көліктің барлық бағыттарында жұмыс істей бастады, деп хабарлайды elitar.kz.
Шымкентте бүгінде 77 бағыт бойынша 900 автобус жұмыс істейді. Қазір жүйе пилоттық режимде №74, №35, №12, №84 және №27 нөмірлі автобус маршруттарында жұмыс істейді. Қала әкімінің орынбасары Махсут Исаховтың айтуынша, мемлекеттік тілде дауыстық хабарлау жүйесі барлық автобустарда енгізілетін болады.
"Менің тапсырмам бойынша қаланың 700 аялдамасының атауын жүйелеу бойынша талдау жүргізілді. Жүргізушілер мен кондукторларға қазақ тілінде арнайы буклеттер таратылды. Бүгінде көлік компаниялары аялдамалардың атауларын қазақ тілінде хабарлауға міндетті. Көлік аялдамаға жақындаған кезде навигация жүйесі арқылы сигнал беріледі және аялдамалар автоматты түрде жарияланады", - деді Мақсат Исахов.