«Асықпа!»: Қазақстанның қала сыртындағы трассаларында жылдамдық режимінің жаңа камералары орнатылады

25 тамыздан бастап Қазақстанның қала сыртындағы трассаларында "ZEREK-2" жылдамдық режимін бақылау бойынша жаңа камералар жұмыс істей бастайды, деп хабарлайды Zerkalo сайтқа сілтеме жасап Polisia.kz.

ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранованың хабарлауынша, камералар 25 тамыз күні сағат 0:00 – де Шымкент – Қызылорда, Шымкент – Өзбекстан шекарасы, Шымкент – Тараз, Тараз – Қайнар, Қонаев – Талдықорған және Астана-Павлодар автожолдарында жұмысын бастайды.

"ZEREK-2" 33 бағдарламалық-аппараттық кешені әкімшілік өндірістердің бірыңғай тізілімімен интеграцияланған, яғни нұсқамаларды жіберу бұзушыларға автоматты режимде жүзеге асырылатын болады. Мұндай бағдарламалық кешен бұрын Көкшетау – Астана тас жолында іске қосылған болатын және бүгінгі күнге дейін жол қозғалысы ережелерін бұзушылықтарды тіркеу бойынша жақсы нәтижелер көрсетуде", – деп атап өтті Ақтоты Боранова.

Ол ағымдағы жылдың жеті айында еліміздің жолдарында жеті мыңға жуық жол-көлік оқиғасы тіркелгенін, онда 1200-ден астам адам қаза тауып, 8500-ге жуық адам түрлі дәрежедегі жарақаттар алғанын еске салды.

Фото: polisia.kz