ҚазСтандарт 2023 жылы қандай салаларға басымдылық берілетінін айтты

2023 жылға арналған ұлттық стандарттау жоспары шеңберінде 500-ге жуық стандарт әзірлеу көзделген. Олар мынадай бағыттарды қамтиды: сот сараптамасы, жаңартылатын энергия көздері, машина жасау, ауыл шаруашылығы, құрылыс индустриясы, ақпараттық технологиялар және блокчейн технологиялары, әлеуметтік даму және басқа да бағыттар.

ҚазСтандарттың мәліметінше, бұл жылы әлеуметтік салаларға басымдылық берілмек. Атап айтсақ:

• ТҮКШ саласын жақсарту (кондоминиум объектілерін басқаруға, күрделі жөндеу жүргізуге, тұрғын үй кешендерінде қоқыстарды жинауға, әкетуге және қайта өңдеуге қойылатын талаптарды белгілеу);
• төтенше жағдайларда халықтың (оның ішінде балалардың) жеке қорғаныш құралдары;
• туристік қызметметтер және т.б.

Техникалық комитеттерден, салалық қауымдастықтардан, өндірушілерден және басқа да нарық субъектілерінен ұлттық стандарттау жоспарына енгізу үшін барлығы 794 өтінім келіп түсті.