Қазақстан мен Қырғызстан Орталық Азия елдері үшін өңірлік HUB құрады

Бүгін Бішкек қаласында Қазақстан Республикасы мен Қырғыз Республикасы арасындағы Алматы-Бішкек экономикалық дәлізі жөніндегі кіші комитеттің Жетінші отырысы өтті.

Отырысқа Қазақстан мен Қырғызстанның мемлекеттік органдарының, Азия Даму Банкінің, ҚазСтандарттың, Қырғызстанның өкілдері және т.б. қатысты.

Отырыс шеңберінде Орталық Азия елдері үшін өңірлік референттік орталық құру туралы мәселе көтерілді.

«HUB өңірлердің тұтынушыларын контрафактілік және қауіпті өнімдерден қорғайды, сондай-ақ Қазақстан, Қырғызстан, Тәжікстан және Өзбекстан тауар өндірушілері үшін өзара жеткізілетін өнім экспортын және Азия өңірі елдеріне экспортты ұлғайтуға мүмкіндік береді», - деп атап өтті ҚазСтандарттың Бас директоры Ғабит Мұхамбетов.

Сонымен қатар тараптар мыналарды талқылады:

• айналымдағы өнімді сынау нәтижелерін өзара тану;
• стандарттарды бірлесіп әзірлеу мәселелері;
• метрологиялық қамтамасыз етуді дамыту мәселелері.