Бұйымдар интернетінің ұлттық стандарты қандай мүмкіндіктер береді?
Қазақстанда Бұйымдар интернетінің NB-IoT ұлттық стандарты жасалды. Енді NB-IoT технологиясының арқасында қашықтан басқарылатын ақылды құрылғылардың қуат желісін жасауға болады. Яғни, операторлар желісіне коммуналдық қызметтердің санағыштарын, жабдықтардың бақылағышын, нысандарды қадағалау жүйесін, медицина тетіктерін және басқа да құрылғыны қосуға болады. Мамандар хаттаманың түрлі саладағы компаниялар үшін тиімділігін алға тартады.
«Өзіміз көріп отырғандай, қазіргі таңда цифрлы технологиялар ел экономикасының даму қарқынын үдетіп, халықтың өмір сапасын жақсартуда. Стандарт қолданылатын ықтимал салаларға ТКШ-да жатады. Мұнда тұтынылған ресурстардың көрсеткіштерін адамды араластырмай, өздігінен жіберіп отыратын санағыштар айтылып отыр», - деп ҚазСтандарт
директоры Ғабит Мухамбетов пікір білдірді.
Ұлттық стандартты әзірлеп шығуды қолға алған Қазақстандық компаниясы. Дегенмен оны еліміздегі барлық байланыс операторлары қолдана алады. Оператор желіні үздіксіз қадағалап, техникалық қолдаумен қамтамасыз етеді. Сондықтан NB-IoT желісіне қосылған құрылғылардың байланысы орнықты және деректерді жіберуді 100% қамтамасыз етуге қауқарлы. Тіпті, астыңғы қабаттағы орынжайларда, жертөлелерде, су құбыры құдықтарында да орнықты байланыспен қамтамасыз етуге мүмкіндік береді.
Технологияның тағы бір ерекшелігі оның сыйымдылығы. Оператордың бір базалық станциясына 100 мың құрылғы қосуға болады. Оған қоса, батареясы бір қуатталған жабдық 10 жылдан астам жұмыс істей береді.
Жобаны жасап шығарушы Қазақстандық компаниясы компаниясы болашақта нарыққа тигізетін оң әсерін де алға тартады.
«Ұлттық стандарттың қабылданғаны туралы жаңалық заманауи ақылды құрылғыларды өндірушілер мен NB-IoT шешімдері жабдықтаушыларының Қазақстан нарығына деген қызығушылығын айтарлықтай арттырады. Бұл – нарығымыздың сапалы дамуына, ұлт экономикасын цифрландыруды тездетуге және елімізді әлемдік NB-IoT индустриясына шығаруға ықпал ететіні анық», - дейді компаниясының өкілі Рауан Қабдрахимов
Бұйымдар интернетіндегі ұлттық стандарттарды қабылдау процестердің ашықтығы мен тиімділігін арттыруға, сондай-ақ жеке бизнестегі, мемлекеттік сектордағы және әлеуметтік саладағы қауіпсіздік мәселелерін шешуге кең мүмкіндіктер ашады.