Сауатты пайдалану: Қазақстанда жаңбыр мен еріген суды жинауға арналған резервуарлар салу ұсынылады

Қазақстанда жаңбыр мен еріген суды жинауға арналған резервуарлар салу ұсынылады, деп хабарлайды Zerkalo ҚР Индустрия және инфрақұрылымдық даму министрлігінің баспасөз қызметіне сілтеме жасап.

Бұл тұрғын үй-коммуналдық шаруашылықты жаңғырту және дамыту орталығының американдық және израильдік компаниялардың өкілдерімен келіссөздерінен кейін болды. Кездесу барысында АҚШ-тың ATRAFIN Bank және израильдік World Vision Solutions және Greenlight Business Ventures фирмаларының өкілдері көлемі 5 млн текше метрге дейінгі жаңбыр, еріген және тазартылған сарқынды суларды жинауға арналған резервуарлар салу жобасын таныстырды.

Кездесу барысында "ТКШ ҚазОрталығы" АҚ Басқарма төрағасы Әділхан Өмірбаев республика үшін суды тиімді және ұтымды пайдалану жөніндегі шешімдердің өзектілігі мен маңыздылығын атап өтті.

Мамандардың пікірінше, жаңбыр мен еріген қар суын жинау және сақтау қалалық елді мекендерді сумен қамтамасыз ету қажеттілігін азайтуға көмектеседі, ал ағынды суларды жинау, тазарту, сақтау және қайта пайдалану қоршаған ортадағы ластаушы заттардың азаюына ықпал етеді. Сонымен қатар, су қоймаларынан суды елді мекендердегі егістіктер мен көгалдандыру нысандарын суару үшін пайдалануға болады.

Кездесу қорытындысы бойынша тараптар су ресурстарын пайдалануды оңтайландыру және Қазақстанда пилоттық жобаны іске асыру мәселелерінде екіжақты ынтымақтастықты дамытуға ниет білдірді.

Жоба Қазақстан Президентінің су ресурстарын тиімді пайдалану жөніндегі тапсырмасын іске асыру шеңберінде іске асырылуы мүмкін.

Фото: pexels.com