Қазақстанда магистрлік және PhD гранттарының құны көтеріледі

Мұндай шешімнің себебін министр Саясат Нұрбек түсіндіріп берді. 

Бүгін, 14 ақпан, үкімет аясында Ғылым және жоғары білім министрі Саясат Нұрбек журналистерге магистратура мен докторантураға гранттарға баға екі есе өсуі мүмкін екенін хабарлады. 

Оның айтуынша, жоғары оқу орындары төмен бағаға байланысты ғылыми кадрлар дайындауға аса қызығушылық танытпайды.

"Әрине, жоғары оқу орындары ғылыми кадрлармен көп жұмыс істеуге мүдделі емес. Сондықтан біз биылдан бастап магистратураға, докторантураға гранттардың құнын бакалаврлармен теңдестіре бастаймыз. Біз алдағы екі - үш жылдың ушінде гранттың құны 1,5-2 есе өсіп, ал жоғары оқу орындары ғылыми кадрлар даярлауға мүдделі болғанын қалаймыз", - деп атап өтті министр.

Оның айтуынша, бүгінгі таңда магистратураға гранттардың орташа құны шамамен 380 мың теңгені құрайды, ал бакалавриатқа гранттың құны 1 млн теңгеге жетеді.