Ел басшылары Ердоғанға көңіл айтуда

Әлемдік көшбасшылар Түркия президентіне елдің оңтүстігіндегі жер сілкінісі салдарынан болған адам шығынына байланысты көңіл айтып, қолдау көрсетуде. 

Анадолу-дың хабарлауынша, сейсенбі, 7 ақпанда Түрік мемлекетінің басшысына Германия канцлері Олаф Шольц, Ұлыбритания премьер-министрі Риши Сунак, Нидерланды Премьер-Министрі Марк Рютте және Армения премьер-министрі Никол Пашинян қоңырау шалып, қолдау сөздерін айтты.

Дүйсенбі, 6 ақпанда Түркияның оңтүстік-шығысында магнитудасы жеті балдан асатын екі жер сілкінісі болды (жергілікті уақыт бойынша 04.17 - де – 7,7 балл және 13.24-те-7,6 балл).

Түркияның оңтүстік-шығысында құтқару жұмыстары белсенді жүргізілуде. Жойқын жер сілкінісінен қаза тапқандар саны өсуде.

Президент Режеп Тайып Ердоған Түркияда апат құрбандары үшін жеті күндік Жалпыұлттық аза тұту туралы жариялады. Түркияның мемлекеттік тулары бүкіл ел бойынша төмендетілді.