Қазақстан, Қырғызстан және Өзбекстан электр энергиясының жоспардан тыс ағынын реттеу шарттарын қайта қарайды
Қазақстанның, Қырғызстанның және Өзбекстанның энергетикалық және су шаруашылығы ведомстволарының өкілдері Астанадағы кездесу барысында электр энергиясының жоспардан тыс ағындарын реттеуге арналған шарттарды қайта қарау және сағаттық есеп жүргізу тетігін енгізу мүмкіндігін пысықтау туралы шешім қабылдады, деп хабарлайды Zerkalo.
"Күзгі-қысқы кезеңде электр энергиясын жеткізуді Қазақстан, Қырғызстан және Өзбекстан өкілдері талқылады. ( ... ) Бірқатар өзара келісімдерге қол жеткізілді, жеткізілім көлемі мен шарттары анықталды. Тараптар электр энергиясын сағаттық есепке алуды жүргізу тетігін енгізу мүмкіндігін пысықтауға; шаруашылық жүргізуші субъектілер арасындағы жоспардан тыс ағындарды реттеуге шарттар жасасуға; жоспардан тыс ағындарды реттеуге арналған шарттардың қолданыстағы талаптарын қайта қарауға келісті", - делінген Қазақстан Энергетика министрлігінің баспасөз қызметінің хабарламасында.
Су шаруашылығы және энергетика ведомстволары өкілдерінің келесі кездесуі 2023 жылдың қараша айында Бішкек қаласында өтеді.