Елордалықтар өз сайлау учаскесін қалай біле алады?

19 наурызда Парламент Мәжілісі мен мәслихаттар депутаттарының сайлауы өтеді.

Елорда әкімдігінің хабарлауынша, астаналықтар сайлау учаскесін онлайн режимінде келесі тәсілдермен біле алады:

1. Веб-қызмет: https://sailau.astana.kz/;

2. Telegram-дағы Чат-бот: https://t.me/sailau_astana_bot;

3. Smart Astana мобильді қосымшасы;

4. IKomek бірыңғай байланыс орталығы, 109 телефоны бойынша.

Әкімдіктің ресми сайтында азаматты белгілі бір учаскедегі сайлаушылар тізіміне енгізу үшін оның тұрғылықты жері бойынша, аталған учаскенің аумағында тіркелу фактісі негіз болып табылады деп жазады.

Мекенжай мәліметтерін тіркеу, түзету және тексеру үшін  egov.kz  электрондық үкімет порталына кіріп, қажет. «Азаматтық, көші - қон және иммиграция - Халықты тіркеу және тіркеу есебінен шығару» бөліміне немесе  «Азаматтарға арналған үкімет» мемлекеттік корпорациясына жүгіну қажет.