Британдық арнайы күштерге TikTok қолдануға тыйым салынды

Британдық арнайы жасақтарға TikTok қолданбасын шетелдік тыңшылық болуы мүмкін деген қауіптен пайдалануға тыйым салынды, деп хабарлайды ria.ru.

«Барлық SAS (Арнайы әуе қызметі – ред.) қызметкерлеріне әскери смартфондарында TikTok және басқа да әлеуметтік медиа қолданбаларын пайдалануға тыйым салынды. Осы элиталық бөлімшенің мүшелеріне, сондай-ақ басқа арнайы күш құрылымдарындағыларға жеке телефондарында қолданбаларды қолданбауға кеңес беріледі », - делінген мақалада.

Бұл тыйымды арнайы күштердің қауіпсіздік және барлау бөлімі әлеуметтік медиа қосымшаларын, әсіресе Қытайдың TikTok қолданбаларын пайдалану шетелдік тыңшылардың құпия деректерге қол жеткізуіне әкелуі мүмкін деген алаңдаушылықтың артуына байланысты енгізілгені атап өтілді.

Бұған дейін Ұлыбританияның ғылым, инновациялар және технологиялар министрі Мишель Донелан Politico басылымына берген сұхбатында Лондон шенеуніктерге TikTok қолданбасын жұмыс телефондарында пайдалануға тыйым салуда ЕО мен АҚШ-қа ермейтінін айтқан. Ол TikTok қолданбасына тыйым салу британдық билікте жетіспейтін «маңызды дәлелдемелерді» қажет ететін түбегейлі қадам екенін айтты.