Қазақстанда әскери ұшқыштардың, мұғалімдер мен дәрігерлердің жалақысы көтеріледі

Бұл туралы бүгін ҚР Қорғаныс министрлігі хабарлады.

Бүгін, 23 ақпанда Сенат отырысында ҚР Қорғаныс министрінің орынбасары Сұлтан Камалетдинов әскери-әуе күштерінің ұшқыштары, жоғары әскери оқу орындарының оқытушылары мен әскери дәрігерлердің жалақысы 30%-дан астамға көтерілетінін мәлімдеді.

«Ақшалай жәрдемақыларды ұлғайту мәселесі шынымен де өзекті мәселе. Бүгінге дейін үкімет келесі бастамаларымызды қолдады. Біріншіден, Әскери-әуе күштері ұшқыштарының жалақысы көтерілді», - деді Қазақстан Республикасы Қорғаныс министрінің орынбасары.

Жалақыны көтерумен қатар, профессор-оқытушылар құрамының жалақысын азаматтық жоғары оқу орындарының деңгейіне дейін көтеру мәселесі қарастырылуда.

«Жалақыны азаматтық сектордағы медицина қызметкерлерінің деңгейіне дейін көтеру де үкімет тарапынан қарастырылып, қолдау көрсетіліп жатыр. Жалақы 30%-дан аса көтеріледі», - деді Камалетдинов.

Вице-министрдің айтуынша, жалақының нақты мөлшері әртүрлі көрсеткіштерге, соның ішінде әскери атаққа, лауазымға, ұшу уақыты мен класына тәуелді болмақ.