800-ден астам халықаралық байқаушылар ҚР-дағы депутаттар сайлауын қадағалайтын болады

800-ден астам халықаралық байқаушылар Қазақстан Республикасындағы депутаттар сайлауын қадағалайтын болады. Қазақстанның Орталық сайлау комиссиясының хабарлауынша, ҚР Парламенті Мәжілісі мен барлық деңгейдегі мәслихаттар депутаттарын кезектен тыс сайлау үшін халықаралық байқаушыларды аккредиттеу 13 наурызда Астана уақыты бойынша сағат 18:00-де аяқталды.

Барлығы 786 бақылаушы аккредиттелген. Олардың ішінде 41 шет мемлекеттен 124 бақылаушы және 12 халықаралық ұйымдардан 662 бақылаушы бар.

Қазақстанның Орталық сайлау комиссиясының төрағасы Нұрлан Әбдіров халықаралық байқаушылардың қатысуы науқанның ашықтығы мен жариялылығына, сондай-ақ мемлекет тарапынан халықаралық міндеттемелердің сақталуына ықпал ететінін атап өтті. Ол сондай-ақ басқа елдердің Орталық сайлау органдарының әріптестеріне Қазақстанда жүргізіліп жатқан сайлау науқандарына тұрақты қызығушылық танытқаны үшін алғысын білдірді.

Естеріңізге сала кетейік, Қазақстанда Мәжіліс депутаттарының кезектен тыс сайлауы 19 наурызда өтеді, сол күні мәслихат депутаттарын сайлау жоспарланған. Бұған дейін ЕҚЫҰ-дан бұл сайлауға шамамен 400 бақылаушы келуі мүмкін деп хабарланған болатын.