Түркиядан Қазақстанға екінші ұшақ оралды

Түркияның зардап шеккен аймақтарынан 64 адам эвакуацияланып, Қазақстанға жеткізілді. Бұл туралы ҚР ТЖМ баспасөз қызметі хабарлады. Олардың арасында 42 қазақстандық және көрші Қырғызстанның 22 азаматы бар. Олар жер сілкінісінің эпицентрі бар Газиантеп, Диарбакыр, Элазик, Шанлыурфа, Мерсин және Кахраманмараш провинцияларынан эвакуацияланды.

Топ Президент Қасым-Жомарт Тоқаевтың тапсырмасы бойынша ҚР ТЖМ екінші эшелоны жөнелтілген ұшақпен Қазақстанға оралды. 56 адамнан тұратын құтқарушылар зардап шеккендерге көмек көрсету үшін 8 ақпанда Газиантеп провинциясына жеткізілді.