Қытайдың Loong Airlines әуе компаниясы Қазақстанға рейстерді ашты
Ханчжоудан Алматыға аптасына үш рет ұшуға болады, деп хабарлайды «Zerkalo» Азаматтық авиация комитетіне сілтеме жасап.
Қазақстан Республикасы мен Қытайдың авиациялық билігінің бірлескен жұмысының арқасында 7 қыркүйектен бастап қытайлық Loong Airlines әуе компаниясының ұшағы алғашқы жолаушылар рейсін орындады. A321 типті ұшақтар сейсенбі, бейсенбі және сенбі күндері ұшады.
Қазақстанның әуе тасымалы нарығында жаңа авиатасымалдаушының пайда болуы, сондай-ақ жаңа әуе бағытының ашылуы елдер арасындағы сауда-экономикалық, туристік және мәдени ынтымақтастықты одан әрі дамытуға ықпал етеді.
Айта кету керек, Қазақстан Республикасы Көлік министрлігінің Азаматтық авиация комитеті рейстер географиясын кеңейту, халықаралық рейстердің санын арттыру және жаңа шетелдік әуе компанияларын тарту бойынша тұрақты жұмыс жүргізеді.
Фото: Азаматтық авиация комитеті