Францияда жаппай ереуіл өтеді

Реформа жобасы қазір арнайы парламенттік комиссияда қаралуда.

31 қаңтарда Францияда кәсіподақтардың шақыруымен зейнетақы реформасына қарсы жалпыұлттық ереуіл өтеді, деп хабарлайды euronews.

Реформа жобасы қазір арнайы парламенттік комиссияда қаралып жатыр, солшыл күштердің өкілдері алты мыңға жуық өзгертулерді дайындап қойған. Жақын арада жоба Франция парламентінің Ұлттық ассамблеясының (төменгі палатасы) қарауына ұсынылатын болады.

Жексенбі күні Франция премьер-министрі Элизабет Борн 2030 жылға қарай ең төменгі зейнет жасын 62-ден 64-ке дейін көтеру туралы шешім бұдан былай талқылауға жатпайтынын айтты. Премьер-министр реформа келесі жылдың жазында басталады деп күтеді.

31 қаңтарда көлік саласының қызметкерлері, пошташылар, мұғалімдер, мұнай өңдеу зауыттарының қызметкерлері, сондай-ақ қалалық әкімдіктер акцияға қатысатындарын мәлімдеді.

Бүкіл ел бойынша қоғамдық көлік қозғалысы тоқтатылады. Жоғары жылдамдықты TGV пойыздарының үштен екісі маршруттарда болмайды. Париж метросының және қала маңындағы пойыз желілерінің жұмысына үлкен дәрежеде кедергі болады. Шарль де Голль әуежайы әрбір бесінші рейсті тоқтатуға дайындалуда.

Францияның көлік министрі Клемент Бон азаматтарды сейсенбіде қиындықтарға дайындалуға шақырды және сапарларын басқа күнге ауыстырып, қашықтан жұмыс істеу мүмкіндігін сұрады.

19 қаңтарда Францияда зейнетақы реформасына қарсы бірінші жалпыұлттық ереуіл өтті. Ел бойынша шерулерге 1,1 миллионнан астам адам қатысты.

Дүйсенбіде реформаны ХВҚ қолдады. Сарапшылардың пікірінше, бұл еңбек нарығын нығайта отырып, Францияға бюджет қаражатын үнемдеуге көмектеседі.