Қытай Бохай шығанағында үлкен мұнай кен орнын тапты

Табылған қор 100 миллион тонна шикі мұнайды құрайды.

Қытай ұлттық мұнай қайраң корпорациясы (CNOOC) Бохай шығанағында ірі мұнай кен орнын тапты. Бұл туралы  ria.ru хабарлайды.

«1 наурызда Қытайдың ұлттық мұнай қайраңы корпорациясы Бохай шығанағында 100 миллион тонна мұнай қоры бар «Божун 26-6» мұнай кен орны ашылғанын хабарлады», – делінген компанияның ресми сайтында.

Компанияның бағалауы бойынша, кен орнындағы ұңғыма күн сайын шамамен 2040 баррель шикі мұнай мен 320 мың текше метр газ бере алады.

Сәрсенбіде Қытайдың Орталық теледидары атап өткендей, мұнай кен орны Бохай шығанағының оңтүстік бөлігінде Сары теңізде, Тяньцзинь қаласынан шамамен 170 шақырым жерде орналасқан. Кен орнының үстіндегі судың орташа тереңдігі шамамен 22,1 метрді құрайды.

2021 жылдың қыркүйегінде CNOOC Бохай шығанағында 100 миллион тоннадан астам мұнай қоры бар «Кэнли 10-2» кен орнының ашылғанын жариялады.

Бұған дейін Қытайдың мұнай-химия корпорациясы Ѕіпоресс Қытайдағы мұнай тұтыну шамамен 2026 жылы шарықтау шегіне жетеді, бұл әлемдік деңгейден орта есеппен төрт жылға озып кетеді деген болжамда хабарлады. Ең жоғары мән шамамен 800 миллион тоннаны құрайды деп күтілуде, содан кейін тұтыну көлемі жылдан жылға азаяды.