Түркияға 75 елден 6 мың 479 құтқару жасағы келген

Вице-президенттің айтуынша, Кахраманмарашта қаза тапқандардың саны 17 мың 674 адамға жеткен, деп хабарлайды Анадолу.

Вице-президент Фуат Октай AFAD үйлестіру орталығында 10 провинцияға әсер еткен жер сілкінісінің ошағына айналған Кахраманмараштың Пазарджик және Эльбистан аудандарына қатысты мәлімдемелер жасады.

Октай соңғы тәулікте үйінділерден 121 азамат құтқарылғанын атап өтіп, құтқаруға атсалысқан топтардың барлығына алғысын білдірді. 

Қазіргі уақытта 29 622 құтқару тобы бар екенін айта келе, Октай олардың қызметі әр ауылға жеткенше тоқтамайтынын айтты. Қазіргі уақытта 75 елден 6 мың 479 құтқару жасағы кен.

"Қазіргі уақытта 17 674 адам табиғи апаттың құрбаны болғанын қайғыра хабарлаймын. Жараланғандардың саны 72 мың 879 адамды құрайды", - деді вице-президент.