«Асылбек бүркітімен» фотосы National Geographic-тің үздік ондығына енді

National Geographic басылымы өткен жылдың «Ең үздік 10 фотосын» жариялады. Бұл тізімде қазақтың бүркіті бар көшпенді бейнеленген фотосурет те бар . Суреттің авторы - американдық фотограф Эрик Эстерле.

Мақалада жазылғандай, фотограф этникалық қазақ Асылбектің Моңғолияның Қазақстанмен шекарасынан 40 шақырым жерде орналасқан провинциясы Баян-Өлгий маңында жаттығу жасау сәтін түсіріп үлгерген.

«Суретте көшпенді өзінің қазақтың алтын бүркіті Бергедті шалғында атпен аң аулауға дайындап жатыр. Бүркіттерді аулауға үйрету балапандарды жартас ұяларынан ұстап алып, қояндарды, түлкілерді, тіпті бұғыларды қууға үйретуден басталады. Бұл дәстүр 3000 жылдан астам уақыт бойы жалғасып келеді», - деп жазады National Geographic басылымы.

Мақалада фотографтың түсірілім барысынан алған әсері де берілген.

«Мен етпеттеп жатып, бұлақтың шетіндегі электронды көріністапқышты бақыладым. Асылбектің аты бірнеше метр қашықтықтан жүгіріп шыққанда, жер сілкінгендей, дүбірі естіліп, маған мұздай су шашып өтті. Мен камераны денеммен жауып, басымды төмен түсіргенім есімде», – деді Эстерле.

Tengritravel.kz-тің хабарлауынша, Асылбек Манаа - Батыс Моңғолияда 11 балалы отбасында дүниеге келген этникалық қазақ. Ол Моңғолия ғылым және технология университетінде инженер-электрик мамандығын алғанымен, үлкен қалада қалмаған. Туған ауылына оралып, әкесі мен атасындай бүркітші болуды жөн көрген. Оның отбасылық дәстүрге деген шынайы құмарлығы оны шынымен бақытты етеді, деп жазады басылым.