Пржевальскийдің 40 жылқысы Қазақстанға жеткізіледі

Пржевальскийдің 40 жабайы жылқысын Еуропадан Қазақстанға 2024 жылы олардың популяциясын жандандыру үшін тасымалдау жоспарлануда, деп хабарлайды Zerkalo DKNews.kz.

Бұл шешім 21-24 тамыз аралығында Прагада өткен Пржевальскийдің жабайы жылқыларын Қазақстанға реинтродукциялау жобасын жоспарлау жөніндегі халықаралық семинарда айтылды.

"Семинар барысында қатысушылар 2024 жылға жоспарланған жылқылардың бірінші партиясын тасымалдаудың егжей-тегжейлі жоспарын талқылады. ( ... ) Жылқыларды тасымалдауды Прага хайуанаттар бағы Чехия Республикасының Қоршаған ортаны қорғау министрлігімен бірлесіп қамтамасыз етеді. Қазақстанға жылқыларды реинтродукциялау үшін "Алтын Дала"мемлекеттік табиғи резерватының аумағы таңдалды. Жануарлар акклиматизацияның бірінші жылын АСБК реинтродукция орталығында өткізеді", - делінген басылымда.

Қазақстандық делегацияны ҚР Экология және табиғи ресурстар бірінші вице-министрі Нұркен Шарбиев басқарды.

"Семинарды Прага хайуанаттар бағы ағымдағы жылдың сәуір айында ҚР мен Чехия Үкіметтері арасында қол қойылған Қазақстандағы жабайы жылқылар популяциясын жандандыру жөніндегі ұзақ мерзімді ынтымақтастық туралы меморандум аясында ұйымдастырды", - делінген ақпаратта.
Іс-шараға Берлин, Нюрнберг және Будапешт хайуанаттар бағының, Франкфурт зоологиялық қоғамының, Қазақстандық биоалуантүрлілікті сақтау қауымдастығының (АСБК), Хортобаг ұлттық паркінің (Венгрия) және үлкен Гобий қорығының (Моңғолия) өкілдері қатысты.