Теміртаудағы ЖЭО жөндеу жұмыстары жұмысшылардың жетіспеушілігінен кешіктірілуде: Скляр мердігерге ескерту жасады
Нысанда жұмысшылар жетіспейді, негізгі қондырғыларды орнату жұмыстары ақсап тұр, деп хабарлайды «Zerkalo» ҚР Премьер-Министрінің баспасөз қызметіне сілтеме жасап.
Теміртауда жылу көздері мен жылу желілерін күрделі қайта құру жұмыстары жүргізілуде. Жұмыс барысын Қазақстан Республикасы Премьер-Министрінің бірінші орынбасары Роман Скляр тексерді.
«АрселорМиттал Теміртау» АҚ ЖЭО-2 бас директоры Владимир Яблонскийдің айтуынша, үш қазандық пен үш турбогенератордың жөндеу жұмыстары аяқталуға жақын. Алайда жетінші қазандықтың құрылысы кешеуілдеп жатыр: нысанда жұмысшылар жетіспейді, негізгі қондырғыларды орнату жұмыстары ақсап тұр.
Роман Скляр құрылыс-монтаж жұмыстарын уақытында аяқтау қажеттігін айтты.
Теміртауда жылу магистралінің тозығы жеткен учаскелері де қайта жаңғыртылуда. Жұмыс жылыту маусымы басталғанша аяқталуы тиіс.
Фото: sputnik.kz