Өтемақы туралы өтініштерді қабылдау аяқталып келеді

Қазақстанда теңгелік салымдарды қорғаудың ағымдағы бағдарламасы бойынша 2022 жылғы 24 ақпанға дейін ашылған теңгелік депозиттерге 10% өтемақы қарастырылған. Бағдарламаның шарттары бойынша салым бір жыл ішінде сақталуы керек еді. Ал екі аптадан кейін салымды сақтау қажет болатын мерзім аяқталады. Бұл жағдайда мемлекеттен өтемақы салымның барлық сомасына есептеледі. Ал аталған бір жыл ішінде депозиттен қаражат ішінара алынған болса,  салымшыларға пайыздар шоттағы ең төменгі қалдыққа есептеледі. Қазақстандық депозиттерге кепілдік беру қоры NUR.KZ-ке өтелетін депозиттерден ақшаны қашан алуға болатындығы туралы.

"Сонымен, ереженің үшінші тармағына сәйкес, өтемақы төлеу әрбір қатысушы банкте 20 миллион теңге шегінде салымшыға 2022 жылғы 23 ақпандағы операциялық күннің соңындағы жағдай бойынша қолданыста болған өтелетін депозит сомасына  жүзеге асырылады. Бұдан әрі төртінші тармақта осы күннен бастап 12 ай өткеннен кейін салымшы сыйақыны жоғалтпай өтелетін депозитті талап етуге құқылы екендігі айтылған. Жоғарыда айтылғандарды негізге ала отырып, 2023 жылғы 24 ақпаннан бастап депозитор өтелетін салымнан қаражатты ішінара немесе толық алуға құқылы."

Ал өтемақы төлеу мерзіміне келетін болсақ, аталған мерзімнен кейін банктер есеп беріп, мемлекеттік бюджеттен қаражат алып, салымшылардың шоттарына аударғанша біраз уақыт өту керек.