Ереуіл аяқталды: Қазақмыста шахтерлердің мәселелерін шешуге уақыт бөлінді

Ұлытау қаласында "Қазақмыс" басшылығының өкілдері ереуілге шыққан шахтерлермен және Сәтбаев өндірістік алаңының №65 шахтасының мердігерлік ұйымдарының қызметкерлерімен келісе алды, деп хабарлайды Zerkalo "Қазақмыс"компаниясының баспасөз қызметіне сілтеме жасап.

"Жұмыскерлер мәселелерінің бір бөлігі сол жерде келісіліп, қанағаттандырылды. Көтерілген мәселелердің екінші бөлігінің орындалуы заңнамалық өзгерістерге қатысты, осыған байланысты оларды шешу үшін қосымша уақыт қажет. Оларды жұмыскерлер мен жұмыс берушілердің өкілдерінен тұратын арнайы құрылған бастамашыл топ пысықтайтын болады",-деп хабарлады баспасөз қызметі.

Келіссөздер қорытындысы бойынша кәсіпорындағы жұмыс бірден жалғасты. Сонымен қатар, компания ереуілге қатысушылар үшін тәртіптік зардаптар болмайды деп сендірді.

Естеріңізге сала кетейік, 14 тамызда Сәтбаев өндірістік алаңының №65 шахтасының жүздеген кеншілері мен мердігер ұйымдарының қызметкерлері ереуілге шықты. Өндірісті тоқтатудың негізгі себептері-қанағаттанарлықсыз еңбек жағдайлары, сондай-ақ шахтада жұмыс істеу үшін білікті мамандардың жетіспеушілігі.

Фото: pexels.com