Бірқатар өңірлерде халықтың жүйелі көші-қон ағыны жүріп жатыр

Сенатордың айтуынша, 2010-2020 жылдар аралығында көші-қон ағыны есебінен халықтың өсуі Ақтөбе облысында және ел халқының 36%-ы тұратын үш мегаполисте байқалды.

Сонымен қатар, халықтың жүйелі түрде кетуі Қарағанды, Қостанай, Павлодар, Солтүстік Қазақстан және Шығыс Қазақстан облыстарында орын алуда. Бұл өңірлер арасындағы елеулі әлеуметтік және экономикалық теңгерімсіздіктерге ғана емес, сондай-ақ елді мекендердің, әсіресе, шекара маңы облыстарының әлсіз қоныстануына байланысты ұлттық қауіпсіздікке төнетін қатерлердің туындауына алып келеді, деп есептейді депутат.

"Сондықтан өңірлерде жұмыс орындарын құру және инженерлік инфрақұрылымды дамыту жақын арада орталық және жергілікті билік үшін басым міндет болуға тиіс. Бұл ретте бұл жұмыс бірінші кезекте өңірлік стандарттар жүйесіне байланысты жүргізілуі және қала және ауыл тұрғындары үшін әлеуметтік және инженерлік-техникалық инфрақұрылымдар объектілері мен қызметтерінің қолжетімділігінің ең төмен міндетті деңгейін қамтамасыз етуге бағытталуы тиіс", – деп атап өтті ол.