"5к қалтаңда!": Маңғыстаудағы әйелге алғыс білдіргені үшін жарты миллион теңгеге айыппұл салынды
Маңғыстау облысының Бейнеу аудандық соты көші-қон саласындағы қызметтер үшін ақшалай сыйақы түрінде бес мың теңге аудару туралы Әкімшілік іс қарады, деп хабарлайды Zerkalo.
Сот жергілікті тұрғынның тұрғылықты мекен-жайы бойынша келінін уақытша есепке қою үшін қажетті құжаттарды дайындағаны үшін Бейнеу ауданы ІІБ Көші-қон қызметі инспекторының шотына 5 000 теңге көлемінде ақшалай сыйақы аударғанын анықтады. Инспектордың шоты оның атына Кaspi қосымшасында тіркелген.
"Осылайша Н. қылмыстық жазаланатын іс-әрекет белгілері жоқ құқық бұзушылық жасады. Сот қаулысымен ол ӘҚБтК-нің 676-бабы бойынша кінәлі деп танылып, 483 000 теңге көлемінде әкімшілік айыппұл салынды", - делінген Маңғыстау облыстық сотының баспасөз қызметінің хабарламасында.
Сот шешімі заңды күшіне енді.