Тариф қымбаттайды, бірақ бәрі үшін емес: аз қамтылған қазақстандықтарға абоненттік төлемнің өсуі өтеледі

Цифрлық даму министрі "Әлеуметтік қорғалатын азаматтарға телекоммуникация қызметтерін көрсеткені үшін абоненттік төлем тарифтерінің өсуінің мөлшерін анықтау және өтемақы ережелерін бекіту туралы" бұйрыққа қол қойды, деп хабарлайды Zerkalo.

Цифрлық даму, инновациялар және аэроғарыш өнеркәсібі министрінің бұйрығында аз қамтылған қазақстандықтарға телефон үшін төлемақы тарифтерінің өсуі өтелетіні айтылған.

Әлеуметтік қорғалатын азаматтарға телекоммуникация қызметтерін көрсеткені үшін абоненттік төлемақы тарифтерінің өсуінің ай сайынғы өтемақы мөлшері ағымдағы тарифтік жоспар бойынша телекоммуникация қызметтеріне ай сайынғы нақты шығыстар мен ағымдағы шығыстар арасындағы айырма ретінде айқындалған.

"Әлеуметтік қорғалатын азаматтарға телекоммуникация қызметтерін көрсеткені үшін абоненттік төлем тарифтерінің өсуінің өтемақысы – тұрғын үйді күтіп - ұстауға және коммуналдық қызметтерді тұтынуға ақы төлеу бойынша тұрғын үй көмегінің құрамына кіретін, телефон үшін абоненттік төлем тарифтерінің көтерілу шығындарын өтеуге арналған ақшалай өтемақы", - делінген құжатта.

Өтемақы ҚР аумағында жалғыз тұрғын үй ретінде меншік құқығында тұрған тұрғын үйде тұрақты тіркелген және тұратын әлеуметтік қорғалатын азаматтарға, сондай-ақ мемлекеттік тұрғын үй қорынан тұрғын үйді және жеке тұрғын үй қорынан жергілікті атқарушы орган жалдаған тұрғын үйді жалдаушыларға (қосымша жалдаушыларға) телефон үшін абоненттік төлемақыны ұлғайту бөлігінде байланыс қызметтеріне ақы төленеді.

Бұйрық алғашқы ресми жарияланған күнінен кейін күнтізбелік он күн өткен соң, яғни 2023 жылғы 13 тамызда қолданысқа енгізіледі.

Естеріңізге сала кетейік, бұған дейін цифрлық даму министрі Бағдат Мусин Қазақстандағы арзан интернет туралы айтқан болатын, содан кейін барлық операторлар бағаны көтеруге шешім қабылдады.