Жеңілдетілген автонесие бойынша қанша адам көлік алды?

«Өнеркәсіпті дамыту қоры» АҚ жеңілдетілген автонесие бағдарламасының аралық нәтижелерімен бөлісті. Бағдарлама бойынша бүгінгі таңда 195 адам көлік алып үлгерген. Олардың жалпы сомасы 1,696 млрд теңгені, ал несиенің орташа сомасы 8,7 млн ​​теңгені құрады.

«2023 жылғы 22 ақпандағы жағдай бойынша бағдарламаға қатысушы банктер 761 адамнан 5,171 млрд теңгеге 569 өтінімді мақұлдады. Оның ішінде 195 қатысушыға автокөліктер берілді», – делінген хабарламада.

Мақұлданған өтінімнің жарамдылық мерзімі – 60 күн. Атаулы мерзімде пулға қатысушылар жеңілдетілген автонесие алуға өтініш беруі керек. Қордың мәліметінше, мерзім аяқталғаннан кейін пайдаланылмаған қаражат бағдарламаның әлеуетті қатысушыларының санын арттыру үшін келесі пулды қалыптастыруға бағытталады.

Жеңілдетілген автокөлік несиелері бойынша сенім телефоны: +7 (7172) 796-440.