Еңбек нарығы: елімізде қанша жұмыссыз тіркелген?

2023 жылғы қаңтарда жұмыссыздар саны 456 мың адамды құрады. Жұмыссыздық деңгейі жұмыс күшіне 4,8% құрады.

Бұл ретте Жұмыспен қамту органдарында 2023 жылғы қаңтар айының соңында жұмыссыз ретінде 212,1 мың адам немесе жұмыс күшіне 2,3% тіркелген.

Ұлттық статистика бюросы атап өткендей, тіркелген заңды тұлғалардың саны 2023 жылғы 1 ақпандағы жағдай бойынша 508 112 бірлікті құрады, бұл өткен жылмен салыстырғанда 5,5% - ға артық. Бұл ретте 498 957 заңды тұлғаның 100-ден кем жұмыскері болады.

Жұмыс істеп тұрған заңды тұлғалардың саны 407 439 құрады, олардың ішінде шағын кәсіпорындар (100 адамнан аз) 398 432 бірлікті құрайды.

Бюроның мәліметінше, 2022 жылдың IV тоқсанында Қазақстан экономикасында 9 млн адам жұмыспен қамтылған, оның ішінде: 6,9 млн – жалдамалы қызметкерлер және 2,1 млн – өз бетінше жұмыспен қамтылған.