Риддерде ТЖ режимі алынып тасталады

Риддер ЖЭО-да жөндеу жұмыстарын жаңа инвесторлар қолға алады. Бұл туралы Қазақстан облысының әкімі Даниал Ахметов Instagram парақшасында мәлімдеді. Айтуынша, инвесторлар  он күн ішінде жөндеу жұмыстарының кестесін ұсынуы керек.

"Бірден айта кетейін, он күн ішінде жылу орталығының жаңа иелері жөндеу жұмыстарының толық кестесін ұсынумен қатар қажетті жабдықтар мен компоненттердің, мамандардың тізімі мен санын көрсетуі қажет", - деп жазады әкім.

Облыс әкімі жазғандай, барлық жабдықтар мен желілерге күрделі жөндеу қажет, сондықтан кесте аталған мәселелердің барлық блогын толықтай қамтуы тиіс.

Әкім станция қызметкерлерінің қауіпсіздігінің мағыздылығын алға тартады, бұл үшін аспирация және желдету жүйелерін жөндеу қажет.

"Сондай-ақ, жылдар бойы громотухтағы Шұға түсу мәселесі шешілмеді, бұған инвесторлар да назар аударуы керек. Жөндеу жұмыстарынан басқа Қаражыр көмір кеніші алдындағы дебиторлық берешекті өтеу кестесін жасау қажет", - делінген жазбада.

Сондай-ақ, Даниял Ахметов қала тұрғындарына қиын кезеңде түсіністік танытқаны үшін алғысын білдіріп, ТЖ режимін алып тастау туралы тапсырма бергенін мәлімдеді.

"Риддер қаласы әкіміне жылу электр орталығы тоқтаусыз істеп тұруына байланысты жергілікті ауқымдағы техногендік сипаттағы төтенше жағдай режимін алып тастауға тапсырма бердім.".