Үкімет елдегі инфляцияны екі есе азайтуды тапсырды

Әлихан Смайылов Қазақстандағы инфляцияны жыл соңына дейін екі есе азайтуды тапсырды.

Қазақстан Республикасының Премьер-Министрі Әлихан Смайылов үкімет отырысында сәуір айының басынан бастап «инвестицияға айырбас тариф» қағидатын сапалы енгізуді қамтамасыз ету маңызды екенін атап өтті.

«Әрбір министр, облыс әкімі және ұлттық холдингтер мен компаниялардың басшылары еңбек табысының өсуі және сапалы жұмыс орындарын құру арқылы азаматтардың әл-ауқатын жақсарту бойынша жүйелі шаралар қабылдауы қажет. Қоғам үшін басым әлеуметтік және экономикалық мәселелердің тиімді шешімдерін табыңыз. Ел экономикасының тұрақты және сапалы өсуін қамтамасыз етуге әрбір өңірдің қосатын үлесі маңызды», – деді Әлихан Смайылов.

Сондай-ақ ол облыс әкімдері әлеуметтік маңызы бар азық-түлік тауарларының бағасын тұрақтандыруға баса назар аударуы керектігін қадап айтты.

«Жылдың мақсаты – инфляцияны 9,5%-ға дейін екі есе төмендету. Бұл үшін құралдар бар. Бұл туралы талай рет айтқанбыз. Инфляцияны бақылау және төмендету шараларының жаңартылған жоспарын іске асыру үшін барлық қажетті шараларды қабылдау қажет», - деп толықтырды Әлихан Смайылов.

Премьер-министр сондай-ақ қаржылық тәртіпті нығайту мен мемлекеттік бюджет шығыстарының тиімділігін арттырудың маңыздылығын атап өтті.

«Біз экономикалық өсу қарқынын сақтау үшін бар күш-жігерімізді салуымыз керек. Менің орынбасарларым өздері жетекшілік ететін салаларда нақты үйлестіру мен бақылауды ұйымдастыруы қажет», - деп түйіндеді сөзін Әлихан Смайылов.