70 мыңға жуық қазақстандық жалдау ақысын үнемдей алады

Мемлекет басшысының тапсырмасын орындау шеңберінде азаматтардың жекелеген санаттарының мәселелерін шешуді жеделдету мақсатында қазіргі уақытта жеке тұрғын үй қорындағы тұрғын үйді жалға алу ақысын субсидиялау тетігі іске асырылуда.

Мәселен, 2023 жылы бұл мақсаттарға 50 миллиард теңге бөлінеді. Жаңа шара тұрғын үйді жалға алғаны үшін 50% өтемақы алатын 70 мыңға жуық адамды қамтиды, деп хабарлайды ҚР Инвестициялар және даму министрлігі.
Бағдарламаға қатысуға өтінімдерді беру otbasybank.kz платформасында қолжетімді. Субсидиялауға өтінімдер электрондық цифрлық қолтаңбаны (ЭЦҚ) қолдану арқылы қабылданады. Сонымен қатар, қазақстандықтар жалдамалы баспананы өз бетімен іздейді. «Отбасы Банкі» жалдамалы тұрғын үй үшін субсидияларды жалдау шартының әрекет ету мерзімі мен төлем кестесінде ай сайын төлейтін болады.
Еске салайық, тұрғын үй кезегінде тұрған азаматтар төрт санат бойынша жалдау төлемдері бойынша мемлекеттік қолдауға жүгіне алады: I және II топтағы мүгедектер, мүгедек балаларды тәрбиелеп отырған отбасылар, жетім балалар және көп балалы отбасылар. Бұл ретте соңғы 6 айдағы жалдау бойынша субсидия алуға үміткер отбасылардың орташа айлық жиынтық табысының мөлшері отбасының әрбір мүшесіне ең төменгі күнкөріс деңгейінің 1 мөлшерінен аспауы тиіс.
 

«Отбасы Банкі» алушылардың талаптарды сақтауын бақылайды, сонымен қатар ай сайын төлем тәртібін қадағалайды. Өз кезегінде жергілікті әкімдіктер тоқсанына кемінде бір рет жалға берілетін тұрғын үйлерді тексеретін болады. Жақын туыстарынан, бұрынғы жұбайларынан және ерлі-зайыптылардың туыстарынан тұрғын үйді жалға алуға, сондай-ақ бұл тұрғын үйді босатуға тыйым салынады.
Жалға берілетін тұрғын үйге өтініш беру алгоритмдері туралы толығырақ ақпаратты «Отбасы Банкі» АҚ www.hcsbk.kz сайтында «Қолжетімді баспана» бөлімінен таба аласыз.