Ақтөбедегі әуежай құрылысына жарты миллиард доллар инвестиция салынады
Жаңа әуе айлағының ғимараты қаладан 10 шақырымдай жерде орналасады, деп хабарлайды «Zerkalo» 24.kz сайтына сілтеме жасап.
Инвесторлар шамамен 500 миллион доллар инвестициялауға дайын. Жаңа Ақтөбе әуежайының болжамды алаңы 400 гектарды құрайды. Ғимарат жылына миллионға дейін жолаушыға қызмет көрсете алады. Сондай-ақ әуежай жүк терминалымен жабдықталады.
Ұшу-қону жолағы бірінші санатқа сәйкес болады - ұзындығы 3,5-4 км, ол кез келген кластағы ұшақтарға жарамды. Орналасқан жеріне байланысты әуежай Еуропа-Азия транзиттік аймағына айналады.
Жол картасына сәйкес айлақ құру келесі жылы басталады.
Алдағы екі жылда облыста барлығы 20 ірі инвестициялық жобаны жүзеге асыру жоспарлануда. Оның ішінде цемент және теміржол дөңгелектерін шығаратын зауыт құрылысы, республикалық маңызы бар Ақтөбе-Қарабұтақ-Ұлғайсын жолын қайта жаңғырту жұмыстары бар.
Фото: Pexels