Ақтөбе облысында газ неге жетпейді
«СНПС Ақтөбемұнайгаз» АҚ зауытында жөндеу жұмыстары жүріп жатыр, деп хабарлайды «Zerkalo» Ақтөбе облысы әкімінің баспасөз қызметіне сілтеме жасап.
Ақтөбе облысының ішкі нарығын қамтамасыз ету үшін 16 мың тонна сұйытылған мұнай газы қажет.
Облыста барлығы үш сұйытылған мұнай газын өндіретін зауыт жұмыс істейді - «СНПС Ақтөбемұнайгаз» АҚ, «Қазақойл Ақтөбе» ЖШС және «Газ өңдеу компаниясы» ЖШС. Олардың бірінде жөндеу жұмыстары жүргізілуде, сондықтан тамыз айында сұйытылған мұнай газын теміржол көлігімен тасымалдау 20 пайызға қысқарды. Сонымен қатар, «Қазақойл Ақтөбе» ЖШС зауытында компрессордың тоқтап қалуына байланысты газ өндіру тамыз айында тәулігіне 84 тоннадан 64 тоннаға дейін төмендеген.
Қазіргі таңда Ақтөбе облысына Шымкент мұнай-газ өңдеу зауытынан 650 тонна газ бөлінген. Осы айдың соңына дейін жеткізіледі.
Бұл мәселе облыс басшылығының тұрақты бақылауында.
Фото: liter.kz