Құранды өртеу акциясы: Қазақстан БҰҰ қарарының тең авторы болды

Біріккен Ұлттар Ұйымының Бас Ассамблеясы конфессияаралық диалогты дамытуға және жеккөрушілікке қарсы тұруға бағытталған қарар қабылдады, деп хабарлайды Zerkalo.

Қабылданған қарар адамдарға қарсы зорлық-зомбылықтың барлық түрлерін олардың діні немесе сенімдері негізінде айыптайды. Сондай-ақ, құжат діни рәміздерге, қасиетті кітаптарға, үйлерге, жұмыс орындарына, мүлікке, мектептерге, мәдени орталықтарға және ғибадат орындарына қарсы кез-келген актілерді айыптауға баса назар аударады.

БҰҰ қарарының мәтініне діни рәміздер мен қасиетті кітаптарға нұсқаулар енгізу туралы шешім Еуропа елдеріндегі қасиетті Құранды өртеу және қорлау актілері аясында қабылданды.

Қазақстан БҰҰ-ға мүше басқа 47 Елмен бірге осы қарардың бірлескен авторы болды.

Естеріңізге сала кетейік, бұған дейін Данияның ультра оңшыл исламға қарсы экстремистік тобы Danske patrioter мұсылмандардың қасиетті кітабына екінші рет қол сұғып алған болатын. Президент Қасым-Жомарт Тоқаев Солтүстік Еуропаның бірқатар мемлекеттерінде Құранды өртеу актілерін қазіргі әлемде шиеленісті күшейтіп, халықтар мен мемлекеттер арасындағы сенімге нұқсан келтіретін рұқсат етілмеген арандатушылық деп санады.