Бір күн астаналықтар қалалық автобустармен тегін жүре алады

Қоғамдық көлік әдеттегі кесте бойынша таңғы 6:00-ден 23:00-ге дейін жүреді.

Елорда әкімдігінің хабарлауынша, Астана тұрғындары 19 наурызда, Мәжіліс пен мәслихат депутаттары сайланған күні қалалық және қала маңындағы автобустарда тегін жол жүруді пайдалана алады. Қоғамдық көлік әдеттегі кесте бойынша таңғы 6:00-ден 23:00-ге дейін жүреді.

Хабарламада айтылғандай, 20 наурыздан бастап қалалық автобустар қолма-қол ақшасыз есеп айырысу бойынша жол ақысын төлей отырып, штаттық режимде жұмыс істей бастайды.

Әкімдік қоғамдық көлікпен тегін жол жүру қаланың кәмелетке толмаған тұрғындары мен азаматтардың жеңілдетілген санаттары үшін 2020 жылдың наурыз айынан бастап қолданылып келе жатқанын еске салды.

Сондай-ақ, елорда тұрғындарына сайлау сайтында, Telegram-дағы чат-бот арқылы, Smart Astana мобильді қосымшасында немесе 109 бірыңғай нөмірі бойынша өз сайлау учаскесінің нөмірі мен орналасқан жерін білуге мүмкіндік берілді.