Алматыда мүмкіндігі шектеулі жандарға арналған нысандардың қолжетімділігін бағалау жүргізіледі

Жыл соңына дейін 7,5 мың нысан бағалаудан өтеді, деп хабарлайды «Zerkalo» Алматы әкімдігіне сілтеме жасап.

Барлық деректер одан әрі бейімдеу және шығындар сметасы үшін нысан төлқұжаттарына енгізіледі. «Алматы қаласын 2025 жылға дейін дамыту және 2030 жылға дейінгі орта мерзімді перспективалар бағдарламасы» аясында барлығы 75 мың нысанды паспорттандыру жоспарлануда.

2023 жылдың соңына дейін 7,5 мың нысанды, келесі жылы 15 мың нысанды, қалған нысандарды 2030 жылға дейін кезең-кезеңімен паспорттау жоспарлануда. Деректер inva.gov.kz жүйесіне енгізіледі.

Бүгінге дейін Алматыда 4261 әлеуметтік инфрақұрылым нысаны жүріп-тұруы шектеулі азаматтарға қолжетімді. Оның ішінде 778 нысанға толық қолжетімділік, жартылай қолжетімділік – тірек-қозғалыс аппараты бұзылғандарға – 895 нысан, есту қабілеті бұзылғандарға – 1002 нысан, көру қабілеті бұзылғандарға – 905 нысан, мүгедектер арбасында жүретіндерге – 895 нысан. Барлық ақпарат inva.gov.kz порталында енгізілген.

Ал жекеменшік нысандарға қатысты деректер Еңбек және халықты әлеуметтік қорғау комитетінің Алматы қаласы бойынша департаментіне анықталған бұзушылықтарды жою туралы ұйғарым шығару үшін беріледі, олар үшін 120-дан 400 АЕК-ке дейін айыппұл қарастырылған.

Фото: almaty.tv