Іскер қазақстандықтар саны көбейді

Бұл көрсеткіш Қытай экономикасының ашылуына байланысты.

Ұлттық банк төрағасы Ғалымжан Пірматовтың айтуынша, 7 айда алғаш рет іскерлік белсенділіктің жаһандық композиттік индексі (global PMI) оң аймаққа шығып, ақпан айында 52,1-ге дейін өсті.

«Респонденттер Қытай экономикасының ашылуы қолдайтын сұраныстың артқанын, сондай-ақ рецессиялық тәуекелдердің төмендегенін, логистикалық маршруттардың жақсаруы аясында баға қысымының әлсірегенін атап өтті. Қазақстанда ақпан айында іскерлік белсенділік индикаторы 50 құрады, бұл оң және теріс өзгерістердің жоқтығын көрсетеді», - деді ол.

Бұл ретте индекс 49,1-ден 51,6-ға дейін көтерілген құрылыста іскерлік белсенділіктің жақсарғаны атап өтілді. Қызмет көрсету секторында төмендегеніне қарамастан, индекс өсу саласында қалып, 50,6 құрады.

«Бизнес-климат индексі біршама жақсарды. Кәсіпорындардың бағалауы бойынша, бизнесті жүргізудің ағымдағы шарттары аздап төмендегеніне қарамастан, жалпы қолайлы болып қала берді және болашақ жағдайларға қатысты үміттер жақсарды. Барлық секторлар үшін ұзақ жеткізу мерзімі іскерлік белсенділікті тежейтін фактор болып қала береді», - деп түйіндеді Пірматов.