Қазақстандықтар SMS арқылы әскерге шақырыла бастады. Мұнда не дұрыс емес?

Әскерге шақыру туралы SMS -ті тіпті кейбір әскери қызметшілер, қызмет өтегендер мен студенттер алуда. Ал кейбір азаматтарға бір мезгілде шақыру мен  кейінге қалдыру туралы SMS келеді. Бұл жерде не дұрыс емес және SMS арқылы әскерге шақырудың күші бар ма, qumash.kz журналистерінің өтініші бойынша ведомствода түсіндірді.

Ведомствода түсіндірілгендей, шақыру СМС-і  олардан келеді. Қазіргі уақытта ведомство смс-шақыру қағаздарын заңдастыру бойынша іс-шаралар ұйымдастырылуда.

Бұл жаңалық кейінге қалдыру процесін автоматтандыру үшін және пилоттық режимде іске асырылуда. Негізгі мақсат-бюрократияны және азаматтарымыздың әртүрлі анықтамалармен қажетсіз жүруін болдырмау.

Осындай СМС-шақыртуын алғанда әскери комиссариатқа келіп, мәртебесін нақтылау үшін кейінге қалдыру туралы СМС-хабарлама ұсыну қажет.

Жарамдылық дәрежесі әскери есептен шығарумен уақытша жарамсыз немесе жарамсыз деп анықталады. 17 жасында тіркелген кезде жарамдылық дәрежесі жарамсыз деп айқындалған адамдарға жарамдылық жергілікті атқарушы органдар құратын медициналық комиссиядан өту нәтижелері бойынша тікелей айқындалады. Жарамдылық дәрежесі әскери есептен шығарыла отырып жарамсыз деп айқындалған адамдар әскерге шақырылуға жатпайды.

Кейінге қалдыру кезеңі әскери қызмет және әскери қызметшілердің мәртебесі туралы Заңның 35-бабына сәйкес негізге байланысты.

Күндізгі оқу нысаны бойынша оқитын азамат мұндай СМС-хабарлама түспеген жағдайда оқу орнының басшылығына ҰБДҚ (ұлттық білім беру деректер базасы) ақпараттық жүйесіне мәліметтерді енгізу туралы өтінішпен жүгінуі қажет, оны тікелей оқу орындары өзекті режимде жүргізуі тиіс. Оқыту туралы деректерді енгізу кезінде азаматқа СМС жіберіледі. Сондай-ақ, мобильді азаматтар базасында нөмір тіркелмеген болуы мүмкін. Кез-келген жағдайда, егер азамат күндізгі бөлімде оқитын болса, онда ол шақыруға жатпайды.