Жол ережесін бұзған Land Cruiser Prado жүргізушісі 13 жасар бала болып шықты

"ҚР ІІМ жаңалықтары" Telegram-арнасы хабарлағандай, 7 ақпан күні таңертең Ақтауда 30 мен 19 шағым аудандары аралығындағы жолда жол ережесін сақтамай бара жатқан ақ түсті Land Cruiser Prado көзге түскен. Полиция көлікті тоқтатуды талап еткеніне қарамастан, жүргізуші қашып құтылып, жасырынбақ болған.

Тәртіп сақшыларына қосымша күштерді жұмылдыруға тура келген. Көп ұзамай, көлік 30 шағын ауданында тоқтатылды.

"Тексеру барысында жүргізуші 13 жастағы жасөспірім екені анықталды. Патрульдік полиция қызметкерлері оны кәмелетке толмағандар жөніндегі инспекторларға тапсырып, заңды өкіліне ҚР ӘҚБтК-нің 612-бабы 5-бөлігі бойынша әкімшілік хаттама жасақтады."

Автокөлік әзірге айыппұл тұрағына қамалды.