Біздің батырлар. Министрлік Түркиядағы қазақстандық құтқарушылармен таныстырды

Олар өз денсаулығына ғана емес, өміріне де қауіп төндіруде, деп жазады ҚР ТЖМ баспасөз қызметі.

7 ақпанда Қазақстан ТЖМ құтқарушылары жер сілкіністерінің салдарын жоюға көмектесу үшін Түркияға ұшып кетті және бүгінгі таңда сол аймақта жұмыстар жүргізіп жатыр. 

Олардың қатарында Қазақстан ТЖМ қатарында талай жылдан бері еңбек етіп келе жатқан өз ісінің жүйріктері бар. 

Денисов Дмитрий Анатольевич-халықаралық дәрежедегі құтқарушы, кинологиялық бөлімшенің бас құтқарушысы.

Қазіргі уақытта Дмитрий Анатольевич Газиантеп қаласындағы жойқын жер сілкінісінен кейін авариялық-құтқару жұмыстарына қатысуда.

Дмитрий Анатольевич 1998 жылдан бастап ҚР ТЖМ Республикалық жедел-құтқару жасағында жұмыс істейді. Дмитрий үшін жер сілкінісі кезінде құтқару операцияларын жүргізуге бірінші рет қатысып тұрған жоқ. Ол 1999 жылы Түркияда болған жер сілкінісі кезінде іздеу-құтқару жұмыстарына қатысқан. Сол кезде 8 күн бойы Қазақстан құтқарушылары жер сілкінісі ошағында іздестіру-құтқару жұмыстарын жүргізді.

Руслан Сойко Анатольевич – құтқарушы, жедел жасақ басшысы Нұрдағы қаласында авариялық-құтқару жұмыстарына қатысады.

2000 жылдан бастап ТЖМ қатарында жұмыс істейді. Еңбек жолын Астана қаласында Орталық өңірлік жедел-құтқару жасағында бастаған. Қазіргі уақытта Қарағанды қаласының құтқару бөлімшесінің басшысы. Өз қызметінде түрлі ТЖ салдарын жоюға қатысып, адамдардың өмірін құтқару үшін күрделі авариялық-құтқару жұмыстарын жүргізді. Мәселен, 2022 жылы Теміртау қаласында және Қарағанды қаласында газ жарылғаннан кейін үйінділерді талдауға қатысты.

Гизатулин Дамир Сайфидинович-құтқарушы-кинолог.

Дамир өзінің адал досы бельгиялық шопан малинуа Лигасымен бірге Газиантепте тұрғын үй секторының қираған нысандарында іздеу-құтқару жұмыстарын жүргізуде .

Дамир өзінің еңбек жолын ТЖМ қатарында 2009 жылы Алматы қаласы ТЖД су-құтқару қызметінде бастады. Ал 2015 жылдан бастап ҚР ТЖМ Республикалық жедел-құтқару жасағының құтқарушы - кинологы болып жұмыс істейді. Жұмыс кезеңінде әртүрлі ТЖ зардаптарын жою бойынша авариялық-құтқару жұмыстарына бірнеше рет қатысқан.

Дамир Гизатуллин төтенше жағдайларда ахуалды тез және дұрыс бағалап, адамдардың өмірін сақтау үшін дұрыс шешім қабылдай алу қабілетіне ие. Еңбек жолында ведомстволық наградалармен бірнеше рет марапатталған.