Қонаевтың бас даму жоспары қабылданды: 2050 жылға дейін не өзгереді
Алматы облысының орталығын дамытудың жаңа стратегиясы анықталды, деп хабарлайды «Zerkalo» Қазақстан Республикасы Премьер-Министрінің сайтына сілтеме жасап.
Бас жоспардың негізгі мақсаты өндірістік, коммуналдық және рекреациялық аймақтарды ұтымды функционалды аймақтарға бөлу және орналастыру арқылы жайлы және қауіпсіз өмір сүру ортасын құру болып табылады. Жоспарда қаланың перспективалық шекараларына енгізілген қолданыстағы елді мекендер мен тұрғын үй кешендері ескерілген.
Жоспарды іске асырудың болжамды мерзімдері 2050 жылға дейін белгіленді. Осы уақыт ішінде қала облыстың заманауи көпфункционалды әкімшілік, қаржылық-мәдени, индустриялық-инновациялық, көлік-логистикалық, ғылыми-білім беру орталығына айналуы тиіс. Қонаев Алматы агломерациясының инновациялық-индустриялық, азық-түлік белдеуі, мұнай өңдеу, газ өңдеу және мұнай химиясының орталығына айналады. Қаланың Алматы облысындағы негізгі туристік бағыттардың бірі, судағы демалыс және су спорты, туризм, аңшылық және балық аулау орталығы ретінде де әлеуеті зор.
Жоспарда шаруашылық қызмет, тұрғын үй құрылысы, индустриялық даму, қоршаған ортаны қорғау, білім беру жүйесі, денсаулық сақтау, инженерлік, көлік инфрақұрылымы мен жол желісі, абаттандыру, жылу, электр энергиясы, газ, сумен жабдықтау, кәріз және басқа да аспектілер бойынша шаралар көрсетілген. Қонаевтың көлік-логистикалық жүйесі әуе, теміржол, автомобиль және су көлігімен жаңғыртылады. Бұл қаланы Алматы облысындағы орталық көлік-логистикалық хабқа айналдырады.
Жоспарды орнындаудың болжамды мерзiмiнде жалпы ауданы 2538,2 мың шаршы метр тұрғын үй құрылысы салынады. Өзін-өзі жұмыспен қамтығандар деңгейін 18% -ға дейін, нақты жұмыссыздық деңгейін - 4,2% -ға дейін, жастар арасындағы жүмыссыздықты - 3,8% -ға дейін түсіру жоспарланған.
Мектепке дейiн және жалпы білім бередi мектептердiң саны екi есеге жуық көбейту, «Денсаулық сақтау жүйесінде тәулік бойы жұмыс істеу керек ауруханалардағы төсек-орын саны, амбулаторлық-емханалық көмек көрсету мекемелерінің саны, сондай-ақ жедел жәрдем станциялары мен автокөліктерімен бірге санын арттыру көзделген.
Еске салайық, Қонаев қаласы 2022 жылдың 8 маусымынан бастап өзінің жаңа шекарасындағы Алматы облысының әкімшілік орталығы болды.
Фото: vlast.kz