Тұрғындардың көмірді пайдалануына заңмен тыйым салына ма?

Алматы тұрғыны қала әкімі Ерболат Досаевқа көмірді барлық тұрғын үйлер мен кәсіпорындар үшін отын ретінде пайдалануға тыйым салу туралы заң жобасын қарастыруды ұсынды. Оның пікірінше, бұл ЖЭО-ны газдандыру мен жаңғыртуға көшуді жеделдетеді. Алматылық тұрғын сондай-ақ биылғы қыста ауаның ластануы тым жоғары деңгейде екенін атап өтті.
Қала басшысы өз кезегінде бұл ұсынысты қолдауға дайын екенін айтты, бірақ алдымен қаланы толығымен газдандыр аяқталу керек. Сондай-ақ, шын мәнінде қалада көмірді пайдалану көлемі өте төмен екенін айтты.

«Сәрсенбіде Үкімет газдандыруға қатысты мәселені талқылады. Премьер-министр 1 наурызға дейін түпкілікті схема бойынша шешім қабылдауды тапсырды. Газдандыру өткеннен кейін біз мәслихаттың қарауына отынның басқа түрлерін пайдалануға тыйым салу туралы құжатты ұсынуға дайынбыз. Бізде магистральдық газ құбырлары бар, бірақ адамдар әлі қосылмаған. Шын мәнінде, қалада көмірді пайдалану көлемі өте төмен, тіпті, Алматы облысының тұрғындары көмір базаларын қолданады. Қазіргі уақытта Алматыда газдандыру деңгейі 99,2% – ды құрайды және 16 мың тонна көмір пайдаланылуда», - деді әкім.

Ерболат Досаевтың айтуынша, қаланы толық газдандыруды 2023-2024 жылдар аралығында аяқтау жоспарланып отыр.

«ЖЭО-ға қатысты премьер-министр «Самұрық-Энерго» - ға жаңғырту нұсқаларын шешуді тапсырды. Естеріңізде болса, ЖЭО бойынша 1-кезеңнің аяқталуы келесі жылға жоспарланған", –деп түйіндеді әкім.