Мемлекеттік қызметтегі әйелдердің үлесі 3%  ға өсті

Ұлттық экономика министрі 12 жыл ішінде мұндай өсім жақсы көрсеткіш деп санайды .

Әлібек Қуантыров мемлекеттік қызметтегі әйелдер саны бойынша мәліметтермен бөлісті.

«Қазір әйелдер саны-55 %. Ал  ер адамдар қайда барады, не істейді? Базаның өзі жоғары болды - 52% . Ал 3% - бұл өте жақсы көрсеткіш», - деп түйіндеді министр.

Ал Ұлттық статистика бюросында Қазақстандағы әйелдер саны туралы деректер келтірілді.

Соңғы мәліметтер бойынша, 2023 жылдың 1 ақпанына елімізде 10 118 282 әйел тұрады, оның 6,3 млн – ы қалалық жерлерде болса, 3,7 млн-ы - ауылдық жерлерде.

«Өңірлер бөлінісінде әйелдер өкілдерінің көпшілігі Алматы қаласында (1 157 823), Түркістан (1 040 069) және Алматы облыстарында (753 562) тұрады», - делінген бюрода.